Sahih Muslim — Hadith #3632

Reference: رقم الكتاب: 64

(1768) وحَدَّثَنَا أَبُو بَكْرِ بْنُ أَبِي شَيْبَةَ وَمُحَمَّدُ بْنُ الْمُثَنَّى وَابْنُ بَشَّارٍ (وَأَلْفَاظُهُمْ مُتَقَارِبَة) (قَالَ أَبُو بَكْرٍ: حَدَّثَنَا غُنْدَرٌ عَنْ شُعْبَةَ. قَالَ الآخَرَانِ: حَدَّثَنَا مُحَمَّدُ بْنُ جَعْفَرٍ. حَدَّثَنَا شُعْبَةُ) عَنْ سَعْدِ بْنِ إِبْرَاهِيمَ. قَالَ: سَمِعْتُ أَبَا أُمَامَةَ بْنِ سَهْلِ بْنِ حُنَيْفٍ قَالَ: سَمِعْتُ أَبَا سَعِيدٍ الْخُدْرِيَّ قَالَ:نَزَلَ أَهْلُ ⦗ص: 1389⦘ قُرَيْظَةَ عَلَى حُكْمِ سَعْدِ بْنِ مُعَاذٍ. فَأَرْسَلَ رَسُولُ اللَّهِ صلى الله عليه وسلم إِلَى سَعْدٍ. فَأَتَاهُ عَلَى حِمَارٍ. فَلَمَّا دَنَا قَرِيبًا مِنَ الْمَسْجِدِ، قَالَ رَسُولُ اللَّهِ صلى الله عليه وسلم لِلْأَنْصَارِ (قُومُوا إِلَى سَيِّدِكُمْ) (أَوْ خَيْرِكُمْ). ثُمَّ قَالَ (إِنَّ هَؤُلَاءِ نَزَلُوا عَلَى حُكْمِكَ) قَالَ: تَقْتُلُ مُقَاتِلَتَهُمْ. وَتَسْبِي ذُرِّيَّتَهُمْ. قَالَ: فَقَالَ النَّبِيُّ صلى الله عليه وسلم (قَضَيْتَ بِحُكْمِ اللَّهِ) وَرُبَّمَا قَالَ (قَضَيْتَ بِحُكْمِ الْمَلِكِ) وَلَمْ يَذْكُرْ ابْنُ الْمُثَنَّى: وَرُبَّمَا قَالَ (قَضَيْتَ بِحُكْمِ الملك).(1768) - وحَدَّثَنَا زُهَيْرُ بْنُ حَرْبٍ. حَدَّثَنَا عَبْدُ الرَّحْمَنِ بْنُ مَهْدِيٍّ عَنْ شُعْبَةَ، بِهَذَا الْإِسْنَادِ. وَقَالَ فِي حَدِيثِهِ: فَقَالَ رَسُولُ اللَّهِ صلى الله عليه وسلم (لَقَدْ حَكَمْتَ فِيهِمْ بِحُكْمِ اللَّهِ). وَقَالَ مَرَّةً: (لَقَدْ حَكَمْتَ بِحُكْمِ الْمَلِكِ).

ஹதீஸின் பொருள்

அபூ ஸயீத் அல்-குத்ரி (ரழியல்லாஹு அன்ஹு) அவர்கள் அறிவிக்கிறார்கள்: பனூ குரைழா யூதர்கள், ஸஅ்த் இப்னு முஆத் (ரழியல்லாஹு அன்ஹு) அவர்களின் தீர்ப்பை ஏற்றுக்கொள்வதாக ஒப்புக்கொண்டனர். அப்போது அல்லாஹ்வின் தூதர் (ஸல்லல்லாஹு அலைஹி வஸல்லம்) அவர்கள், ஸஅ்த் (ரழியல்லாஹு அன்ஹு) அவர்களை அழைத்து வர ஆள் அனுப்பினார்கள். அவர்கள் ஒரு கழுதையின் மீது ஏறி வந்தார்கள். அவர்கள் பள்ளிவாசலுக்கு அருகில் வந்தபோது, நபி (ஸல்லல்லாஹு அலைஹி வஸல்லம்) அவர்கள் அன்சாரிகளிடம், "உங்கள் தலைவருக்காக எழுந்து நில்லுங்கள்" அல்லது "உங்களில் சிறந்தவருக்காக எழுந்து நில்லுங்கள்" என்று கூறினார்கள். பின்னர் ஸஅ்த் (ரழியல்லாஹு அன்ஹு) அவர்களிடம், "இவர்கள் உங்களுடைய தீர்ப்பை ஏற்றுக்கொண்டுள்ளனர்" என்று கூறினார்கள். அப்போது ஸஅ்த் (ரழியல்லாஹு அன்ஹு) அவர்கள், "போரில் ஈடுபட்ட ஆண்கள் கொல்லப்பட வேண்டும். அவர்களுடைய (பெண்களும் குழந்தைகளும்) சந்ததிகள் போர்க் கைதிகளாகக் ஆக்கப்படுவார்கள்" என்று தீர்ப்பளித்தார்கள். அதற்கு நபி (ஸல்லல்லாஹு அலைஹி வஸல்லம்) அவர்கள், "நீங்கள் அல்லாஹ்வின் தீர்ப்பின்படியே தீர்ப்பளித்துள்ளீர்கள்" என்று கூறினார்கள். மற்றொரு அறிவிப்பில், "நீங்கள் அரசனாகிய அல்லாஹ்வின் தீர்ப்பின்படியே தீர்ப்பளித்துள்ளீர்கள்" என்று கூறப்பட்டுள்ளது.

ஹதீஸ் விரிவான விளக்கங்கள்

ஹதீஸ் விளக்கம்

இந்த ஹதீஸைப் புரிந்துகொள்ள அதன் வரலாற்றுப் பின்னணியை அறிதல் அவசியம்.

ஹிஜ்ரி 5-ஆம் ஆண்டில் நடைபெற்ற அகழிப்போரின் போது, மதீனாவை பாதுகாக்கும் உடன்படிக்கையில் இருந்த பனூ குரைழா யூதர்கள், அந்த உடன்படிக்கையை மீறி குறைஷியர்களுடனும் கூட்டணி படைகளுடனும் இணைந்து முஸ்லிம்களுக்கு எதிராக செயல்பட்டனர்.

இந்த துரோகம், போர்காலத்தில் மதீனாவின் பாதுகாப்பையே ஆபத்துக்குள்ளாக்கியது.

போர் முடிந்தபின் அவர்கள் முற்றுகையிடப்பட்டனர்.

இறுதியில், தங்களுக்கு தீர்ப்பு வழங்க ஸஅ்த் இப்னு முஆத் (ரழியல்லாஹு அன்ஹு) அவர்களைத் தாங்களே நடுவராக ஏற்றுக்கொண்டனர். ஏனெனில் அவர் அவ்ஸ் கோத்திரத்தைச் சேர்ந்தவர்; பனூ குரைழாவுடன் பழைய நட்பு இருந்தது.

ஸஅ்த் (ரழியல்லாஹு அன்ஹு) அவர்கள் வழங்கிய தீர்ப்பு தனிப்பட்ட கோபத்தின் அடிப்படையில் அல்ல.

அதனால்தான் நபி (ஸல்லல்லாஹு அலைஹி வஸல்லம்),

"நீங்கள் அல்லாஹ்வின் தீர்ப்பின்படியே தீர்ப்பளித்துள்ளீர்கள்"

என்று பாராட்டினார்கள்.

இது எந்த ஒரு சமூகத்தின் மீது பொதுவான தீர்ப்பு அல்ல. போர்காலத்தில் உடன்படிக்கையை மீறி ஆயுதத் துரோகம் செய்த குறிப்பிட்ட குழுவுக்கான நீதித் தீர்ப்பாகும்.

வார்த்தைக்கு வார்த்தை பொருள்

نَزَلَ — ஒப்புக்கொண்டனர்; ஏற்றுக்கொண்டனர்.

حُكْمِكَ — உங்களுடைய தீர்ப்பு.

قُومُوا — எழுந்து நில்லுங்கள்.

سَيِّدِكُمْ — உங்கள் தலைவர்.

خَيْرِكُمْ — உங்களில் சிறந்தவர்.

تَقْتُلُ — கொல்ல வேண்டும்.

مُقَاتِلَتَهُمْ — போரில் ஈடுபட்ட வீரர்கள்.

تَسْبِي — போர்க் கைதிகளாகக் ஆக்கப்படுவது .

ذُرِّيَّتَهُمْ — (பெண்களும் குழந்தைகளும்)அவர்களின் சந்ததியினர்.

قَضَيْتَ — நீங்கள் தீர்ப்பளித்தீர்கள்.

حُكْمِ اللَّهِ — அல்லாஹ்வின் தீர்ப்பு.

الْمَلِكِ — அரசனாகிய அல்லாஹ்.

Narrator Notes & Clarifications (தெளிவுகள்)

விரைவில் சேர்க்கப்படும்.

இதே ஹதீஸ் இடம்பெற்றுள்ள மற்ற நூல்கள்

விரைவில் சேர்க்கப்படும்.