Sunan Abu Dawood — Hadith #3723

இந்த ஹதீஸில் ஹுதைஃபா (ரழியல்லாஹு அன்ஹு) அவர்களின் சுன்னாவின் மீதான உறுதியான பற்றுதல் வெளிப்படுகிறது.

அவர்கள் வெள்ளிக் குவளையை எறிந்தது, அந்த மனிதரை அவமதிப்பதற்காக அல்ல.

மாறாக, நபி (ஸல்லல்லாஹு அலைஹி வஸல்லம்) அவர்களின் தெளிவான கட்டளையை மீண்டும் மீண்டும் மீறியதைக் கண்டித்துச் செய்த கல்வி நடவடிக்கையாகும்.

ஹுதைஃபா (ரழியல்லாஹு அன்ஹு) அவர்களின் இந்தச் செயல், தீமையைத் தடுக்க வேண்டிய கடமையின் ஒரு வடிவமாகும். முன்பே அறிவுறுத்திய பின்னரும் ஒருவர் தவறைத் தொடர்ந்தால், அவரைத் திருத்துவதற்காக கடுமையான முறையைக் கையாளலாம் என இதிலிருந்து புரிகிறது.

"இவை அவர்களுக்கு இவ்வுலகிலும், உங்களுக்கு மறுமையிலும்" என்ற நபிமொழி, இறைநம்பிக்கையற்றவர்கள் இவ்வுலக ஆடம்பரங்களில் மூழ்கி வாழலாம்; ஆனால் உண்மையான, நிலையான நன்மைகள் இறைநம்பிக்கையாளர்களுக்கு மறுமையில் வழங்கப்படும் என்பதைக் குறிக்கிறது.
பட்டாடைகளை பயன்படுத்துவது ஆண்களுக்கும் தான் தடைசெய்யப்பட்டுள்ளது. ஆனால் பெண்கள் பட்டாடைகளை பயன்படுத்துவது இஸ்லாத்தில் அனுமதிக்கப்பட்டிருக்கிறது.

இந்த ஹதீஸ் உலக ஆடம்பரத்தை விட மறுமை வாழ்வை முன்னிலைப்படுத்தும் இஸ்லாமிய பார்வையை வலியுறுத்துகிறது.

استسقى — தண்ணீர் கேட்டார்.

دهقان — கிராமத் தலைவர்.

إناء — பாத்திரம்.

فضة — வெள்ளி.

رماه — அதை எறிந்தார்.

نهيته — நான் அவரைத் தடுத்தேன்.

الذهب — தங்கம்.

الفضة — வெள்ளி.

الحرير — மெல்லிய பட்டு.

الديباج — உயர்தர தடிமனான பட்டு.

لهم — அவர்களுக்கு.

لكم — உங்களுக்கு.

الآخرة — மறுமை.

دهقان

பாரசீகப் பகுதிகளில் பெரிய நில உரிமையாளர் , செல்வந்த விவசாயி அல்லது கிராம நிர்வாகி என்று அழைக்கப்பட்டவர்.

الحرير

மெல்லிய இயற்கைப் பட்டு ஆடை.

இது ஆண்கள் அணிவதற்கு இஸ்லாமில் தடை செய்யப்பட்டுள்ளது (சில அவசியமான மருத்துவ சூழ்நிலைகளைத் தவிர). பெண்கள் இந்த பட்டாடைகளை பயன்படுத்தலாம்.

الديباج

மிக உயர்தரமான, தடிமனான பட்டு துணி.

ஆண்களுக்கு இதுவும் தடை செய்யப்பட்டதாகும். பெண்கள் இந்த பட்டாடைகளை பயன்படுத்தலாம்.

آنية الذهب والفضة

தங்கம் அல்லது வெள்ளியால் செய்யப்பட்ட உணவு மற்றும் குடிநீர் பாத்திரங்கள்.